Xitay türmisidiki mongghul öktichisining ayali xelq'ara jem'iyetni yoldishining ehwaligha köngül bölüshke chaqirdi


2007.01.01
Share on WhatsApp
Share on WhatsApp

Xitay türmisidiki ichki mongghul kishilik hoquq pa'aliyetchisi xadaning salametlik ehwali kündin kün'ge nacharliship ketkenliktin, uning ayali xelq'ara jem'iyetni xadaning ehwaligha köngül bölüshke chaqirip, béyjing hökümitige uning ehwalini yaxshilash heqqide bésim ishlitishke ündidi.

Xitay hökümiti xadani jenubiy mongghuliye démokratik ittipaqining heriktini qollighanliqi sewebidin 1996 - yili mexpiy sotlap, döletni parchilash, jasusluq qilish qatarliq jinayetler bilen eyibligen we 15 yilliq qamaq jazasigha höküm qilghan idi.

Xadaning ayali shinnaning yéqinda roytérs axbarat agéntliqigha ashkarilishiche, xada türmide tégishlik mu'amilige érishelmigen shundaqla yalghuz kishilik kamirgha solinip, bashqa mongghul mehbuslar bilen mongghulche sözlishishi cheklen'gen we salametlik ehwali barghanche nacharliship ketken. Xadaning ayali, a'ilisidikiler uninggha yimeklik we kitab élip barsa, türme da'irilirining qobul qilmighanliqini bildürdi.

Xada qolgha élinishtin burun ayali bilen birge monggholche kitab satidighan bir dukan échip, kitab sodisi bilen shughullan'ghan iken. Xelq'ara kechürüm teshkilati xadani "wijdan mehbusi," dep körsetmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.