Xitay emeldari muhit bulghinishining éghirliqini étirap qildi
2006.04.19
Xitayning muhit qoghdash ishliridiki emeldari charshenbe küni nöwette ahalilerning muhit bulghinishigha da'ir naraziliqlirining künséri köpiyiwatqanliqini körsitip, muhit bulghinish mesilisining xitayning jem'iyet muqimliqigha tesir körsitiwatqan bir chong mesile boluwatqanliqini bildürdi.
Xitay muhit qoghdash idarisining bashliqi ju shéngshyen éghir muhit bulghinish hadisiliri sewebidin ötken bir yilning ichidila ahalilerning 510 ming qétim naraziliq bildürüsh heriketliri yüz bergenlikini éytip, " bu hazir jem'iyet muqimliqigha chong tehdit boluwatidu" dédi.
Xitayning shinxu'a agéntliqi bu heqtiki xewiride, hazir xitaydiki muhit bulghinishigha da'ir yüz bériwatqan naraziliq namayishlirining her yili 29% sür'ette éshiwatqanliqini melum qilghan. Ju shéngshyen sözide, " eger muhitni qoghdash dawamliq türde iqtisadiy ilgirileshni arqigha tartiwalsa, u halda muhit bulghinishi téximu éghirlap kontrol qilish tes haletke chüshüp qalidu" dédi.
Xitayda hazir insanlar keltürüp chiqarghan muhit bulghinishidin sirt yene, qum-boran apiti, qumlishish qatarliq tebi'iy apetlermu muhit mesilisini téximu qéyinlashturmaqta. (Peride)
Munasiwetlik maqalilar
- Xitayning shentu shehiride yüz bergen saqchilar bilen puqralar arisidiki toqunushta bir adem öldi
- Fujyende 200 ge yéqin kishi sana'et bulghinishigha qarshi naraziliq bildürdi
- Xitay hökümitining tashqi péréwot jughlanmisi dunya buyiche birinchi bolghini bir numus
- Xitay, 15 yilliq muhit qoghdash pilanini élan qildi
- Xitay qisquch paqisi en'gliye deryalirigha tehdit bolmaqta