Хитайда муһит булғиниши еғир тәһдит пәйда қилмақта

Хитай дөләтлик муһитни қоғдаш идариси, хитайда йеқинда йүзбәргән муһит паҗиәлиридин кейин елип барған тәкшүрүши нәтиҗисидә, хитайдики химийә завотлириниң 45% иниң муһит үчүн зор тәһдит икәнликини оттуриға чиқарди.

Хитай дөләтлик муһитни қоғдаш идариси тәрипидин елан қилинған доклатта, тәкшүрүш елип берилған 7555 завутниң 81% иниң дәря үстигә я көл үстигә вәяки адәмләр зич олтурақлашқан мәркәзләрдә қурулғанлиқиниң байқалғанлиқи билдүрүлгән.

Доклатта, әгәр җиддий тәдбир елинмиса, муһит паҗиәлириниң алдини елиш техиму қийинлишидиғанлиқи тәкитлгәнгән.

Хитайда, узундин бери иқтисадий тәрәққият түпәйлидин муһитни қоғдаш мәсилиси бир тәрәпкә қайрип қоюлған болуп, йеқинда хитайдики бәзи химийәвий заватларда йүзбәргән вәқәләр мәсилиниң қандақ паҗиәлик ақивәтләрни елип келидиғанлиқини көрсәтти.

Хитайда муһитниң еғир дәриҗидә булғиниши сәвәбидин, һәтта хитай баш минстири вин җябав қатарлиқ хитай рәһбәрлири, әгәр муһит булғинишиниң вә химийә завутлирида вәқәләрниң йүз беришиниң алди елинмиса, хитай ичимлик су йитишмәслик хәвпигә учриши мумкин дәп агаһландурди. (Қанат)