Xitayda muhit bulghinishi éghir tehdit peyda qilmaqta

Xitay döletlik muhitni qoghdash idarisi, xitayda yéqinda yüzbergen muhit paji'eliridin kéyin élip barghan tekshürüshi netijiside, xitaydiki ximiye zawotlirining 45% ining muhit üchün zor tehdit ikenlikini otturigha chiqardi.

Xitay döletlik muhitni qoghdash idarisi teripidin élan qilin'ghan doklatta, tekshürüsh élip bérilghan 7555 zawutning 81% ining derya üstige ya köl üstige weyaki ademler zich olturaqlashqan merkezlerde qurulghanliqining bayqalghanliqi bildürülgen.

Doklatta, eger jiddiy tedbir élinmisa, muhit paji'elirining aldini élish téximu qiyinlishidighanliqi tekitlgen'gen.

Xitayda, uzundin béri iqtisadiy tereqqiyat tüpeylidin muhitni qoghdash mesilisi bir terepke qayrip qoyulghan bolup, yéqinda xitaydiki bezi ximiyewiy zawatlarda yüzbergen weqeler mesilining qandaq paji'elik aqiwetlerni élip kélidighanliqini körsetti.

Xitayda muhitning éghir derijide bulghinishi sewebidin, hetta xitay bash minstiri win jyabaw qatarliq xitay rehberliri, eger muhit bulghinishining we ximiye zawutlirida weqelerning yüz bérishining aldi élinmisa, xitay ichimlik su yitishmeslik xewpige uchrishi mumkin dep agahlandurdi. (Qanat)