Муһит булғинишидин хитайда һәр йили йүз миңлиған адәм өлмәктә


2007-07-03
Share

Дуня банкиси тәрипидин елип берилған бир тәтқиқатниң нәтиҗисигә қариғанда, хитайда булғанған һавадин нәпәслиниш вә паскина су ичиш сәвәбидин бир йилда 460 миң киши өлидикән.

Әнглийидә чиқидиған пул муамилә гезитиниң сәйшәнбә күни хәвәр қилишичә, дуня банкиси билән йәттә йил давамлашқан бу тәтқиқатни бирликтә елип барған хитай һөкүмити, хәлқиниң һөкүмәткә қарши қаттиқ наразилиқини қозғайдиғанлиқидин әндишә қилип, дуня банкиси мәсуллиридин бу тәтқиқатниң нәтиҗисини елан қилмаслиқини тәләп қилған.

Лекин дуня банкиси, өзиниң тор бетидә мәзкур тәтқиқат нәтиҗисиниң бир қисимини елан қилған болуп, мәсулларниң билдүрүшичә, йеқинда дуня банкиси бу һәқтә тәпсилий бир доклат елан қилидикән.

Ройтрис агентлиқиниң хәвәр қилишичә, муһит булғинишиниң адәмләрниң саламәтликигә елип келидиған хәтәрлирини сезишкә башлиған хитай һөкүмити бу мәсилигә җиддий муамилә қилип, муһитни тазилаш һәрикитини күчәйткән. Дегәндәк хитай даирилири муһитни булғайдиған карханиларни тақап, аптомобилларниң зәһәрлик газ чиқиришни азайтидиған тәдбирләр елишқа башлиған.

Хәвәрләргә қариғанда, дунядики муһити әң көп булғанған 20 чоң шәһәрниң 16 си хитайда икән. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт