Xitayda muhit we suning bulghinishi seweblik insanlar muddettin burun hayatidin ayrilmaqta

Birleshken döletler teshkilati balilar fondi, balilarda késeldin mudapi'elinish " immunit " küchining küchiyishige egiship, 2006 ‏- yili pütün dunya buyiche 5 yashtin burun ölüp kétidighan balilar omumiy sani 9 milyon 700 minggha azayghanliqini , bu tarixtiki tunji rékortni yaratqanliqini bildürdi.

Biraq , xitay da'iriliri bu arida her yili tughulghan méyi'ip balilarning sanining 800 mingdin 120 mingghiche artqanliqini , bu yéngi tughulghan balilar omumiy sanning %6 tini igileydighanliqini , buning asasliq sewebining muhit bulghinishidin kélip chiqqanliqini ashkarilidi.

Xitay metbu'atliri döletlik ana - balilar saghliqini saqlash merkizi mutexessisining sözini neqil keltürüp, balilarning méyip tughulushini keltürüp chiqiridighan amillarning hawaning bulghinishi we saghlam bolmighan turmush aditi hemde kéchikip perzent körüshtin ibaret ikenlikini otturigha qoyghan.

Tekshürüsh netijiliridin qarighanda, méyip tughulghan balilarning 3 din bir qismi uzun yashiyalmaydiken.

En'gliyide chiqidighan " pul - mu'amile " gézitining bu yil 7‏- ayda élan qilghan xewiride körsitilishiche, xitay hökümiti dunya bankisi teripidin teyyarlan'ghan xitayning muhit bulghinishi heqqidiki tetqiqat doklatining eng sezgür mezmunlirini chiqiriwétishni telep qilghan.

" Sezgür mezmunlar" ichide otturigha qoyulishiche, xitayda her yili 750 ming adem hawa we suning bulghinishi tüpeyli mudettin burun hayatidin ayrilidiken. Bolupmu , hawadiki chang tozang tüpeyli her yili 35 milyon 400 ming adem ejilidin burun qaza qilidiken. Chong sheherlerde bu xil hadise téximu éghir iken. (Eqide)