Xitay, 15 yilliq muhit qoghdash pilanini élan qildi


2006.02.15
Share on WhatsApp
Share on WhatsApp

Xitay hökümiti charshenbe küni bir chong kölemdiki 15 yilliq muhit qoghdash pilanini élan qildi hemde muhit mesilisining jem'iyet muqimliqigha tesir körsitiwatqan muhim amilgha aylan'ghanliqini tunji qétim étirap qildi.

Xitay dölet kabinti chiqarghan "ilmiy tereqqiyat qarishini emeliyleshtürüp, muhit asrashni kücheytish toghrisidiki qarar" namliq bu pilanda, kelgüsi 15 yil ichide bulghinishning aldini élish asasiy nuqta qilin'ghan muhit qoghdash nishani békitilgen.

Mezku pilanda, su bulghinishining aldini élish, sheher muhitini asrash xizmitini kücheytish, tupraq bulghinishining aldini élish we yéza-qishlaqlarning muhitini qoghdashqa oxshash bir qatar aldin ehmiyet bérishke tégishlik muhim wezipiler körsitilgen.

Xitay muhit qoghdash idarisining bashliqi ju shéngshyen nöwette xitay muhit weziyitining 3 chong éghir pellige duch kelgenlikini éytti. Ular bolsa, birinchisi, muhit bulghinishi eng éghirlashqan mezgil yétip kelgen. Ikkinchisi, tuyuqsiz yüz béridighan muhit hadisiliri yuqiri pellige yetken. Üchinchisi, kolliktip xaraktérlik muhit hadisilirining yüz bérishimu téz köpeygen.

Ju shéngshyen yene, muhit bulghinishining éghirlishigha türtke boluwatqan muhim bir amilning, chiriklik mesilisi ikenlikini éytip, bu mesililerning xitayning jem'iyet muqimliqigha jiddiy tesir körsitiwatqanliqini eskertti. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.