Хитайдики чоң дәряларда су йүзи төвәнләп кәтти


2007.07.16
Share on WhatsApp
Share on WhatsApp

Хитай ахбарат васитилириниң хитай тәтқиқатчиларниң пикирлиридин нәқил кәлтүрүп хәвәр қилишичә, йәршари характерлик иссип кетишниң дәряға қуюлидиған сазлиқ еқинлирини қурутивәткәнлики сәвәблик, хитайдики әң чоң дәряларда су йүзи төвәнләп кетиш һадисиси көрүнгән.

Бирләшмә агентлиқиниң хитай мәтбуатлиридин нәқил елип хәвәр қилишичә, хитай пәнләр академийисидики тәтқиқатчилар чаңҗяң вә хуаңхе дәрялириниң су мәнбийи болған чиңхәй- тибәт егизликидики сазлиқларниң өзгиришини тәтқиқ қилип, мәзкур егизликтики сазлиқ көлиминиң өткәнки 40 йил мабәйнидә 10 пирсәнттин көпрәк, дәря башланмисидики сазлиқларниң 29 пирсәнт әтрапида кичикләп кәткәнликини байқиған.

Пәнләр академийисиниң тәтқиқатчиси ваң шөген: " дәряларниң су миқдариниң нормал болушида сазлиқлар һалқилиқ рол ойнайду. Сазлиқларниң кемийип кетиши, йәршари характерлик иссип кетиш һадисиси билән мунасивәтлик" дәйду.

Әмма хитай мәтбуатлирида, дәря су йүзиниң төвәнләп кетиши кәлтүрүп чиқиридиған ақивәтләр һәққидә бир нәрсә дейилмигән.

Хитай һазир йәршари характерлик иссип кетиш һадисигә сәвәбчи болуватқан карбон 4 оксидини атмосфераға әң коп қоюп бәргүчи дөләт болуп қалди. Алдинқи айда голландийигә җайлашқан муһит баһалаш җәмийити доклатида, атмосфераға карбон 4 оксид қоюп бериштә хитайниң америкидин өтүп кәткәнликини хәвәр қилған. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.