Xitaydiki chong deryalarda su yüzi töwenlep ketti


2007.07.16
Share on WhatsApp
Share on WhatsApp

Xitay axbarat wasitilirining xitay tetqiqatchilarning pikirliridin neqil keltürüp xewer qilishiche, yershari xaraktérlik issip kétishning deryagha quyulidighan sazliq éqinlirini qurutiwetkenliki seweblik, xitaydiki eng chong deryalarda su yüzi töwenlep kétish hadisisi körün'gen.

Birleshme agéntliqining xitay metbu'atliridin neqil élip xewer qilishiche, xitay penler akadémiyisidiki tetqiqatchilar changjyang we xu'angxé deryalirining su menbiyi bolghan chingxey- tibet égizlikidiki sazliqlarning özgirishini tetqiq qilip, mezkur égizliktiki sazliq kölimining ötkenki 40 yil mabeynide 10 pirsenttin köprek, derya bashlanmisidiki sazliqlarning 29 pirsent etrapida kichiklep ketkenlikini bayqighan.

Penler akadémiyisining tetqiqatchisi wang shögén: " deryalarning su miqdarining normal bolushida sazliqlar halqiliq rol oynaydu. Sazliqlarning kémiyip kétishi, yershari xaraktérlik issip kétish hadisisi bilen munasiwetlik" deydu.

Emma xitay metbu'atlirida, derya su yüzining töwenlep kétishi keltürüp chiqiridighan aqiwetler heqqide bir nerse déyilmigen.

Xitay hazir yershari xaraktérlik issip kétish hadisige sewebchi boluwatqan karbon 4 oksidini atmosféragha eng kop qoyup bergüchi dölet bolup qaldi. Aldinqi ayda gollandiyige jaylashqan muhit bahalash jem'iyiti doklatida, atmosféragha karbon 4 oksid qoyup bérishte xitayning amérikidin ötüp ketkenlikini xewer qilghan. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.