Xitay alimliri, xitaydiki kirim perqi muqimliqni buzidu dep, agahlandurmaqta

Xitay alimliri, xitayda sheher ahalisi bilen yéza ahalisi otturisida künséri chongiyiwatqan iqtisadiy kirim perqi kelgüsi 2010 - yilighiche ijtma'iy muqimliqni buzuwétishi mumkin dep agahlandurdi.

Xitay emgek we xelq ishliri nazariti teripidin élan qilin'ghan bir doklatqa asaslan'ghanda, xitayda sheher lerde kishi béshigha chüshken yilliq kirim miqdari 10000 yü'endin ashqan, wahalenki yéza xelqining yilliq kirimi 3000 yü'en etrapida iken. Shundaqla sheherlerde yashaydighan kishilerning kirimi yézidikilerge qarighanda ottura hésab bilen ikki hesse köpeymekte iken.

Doklatta éytilishiche, yézilardimu kembegheller bilen baylar otturisidiki daramet perqi kündin -kün'ge köpiyiwatqan bolup, sheherlerde ishtin chiqirilghan ishchilar bilen yéngi otturigha chiqqan yuqiri tebiqe otturisidiki turmush perqimu künséri keskinleshmekte iken.

Doklatta bildürülüshiche, eger xitay hökümiti kelgüsi bir nechche yil ichide bu mesilini bir terep qilish üchün bir yol tapmisa, 2010- yilidin kéyin weziyet nahayiti jiddi bir tüs alidiken. (Qanat)