Соң чуйү бейҗиңда тәйвәнниң мустәқиллиқини очуқ рәт қилди


2005-05-11
Share

Бейҗиңда зиярәттә боливатқан тәйвәндики өктичи партийә хәлқпәрвәрләр партийисиниң рәһбири соң чу йү чаршәнбә күни тәйвәнниң мустәқиллиқини рәт қилип, тәйбей билән бейҗиңни мәсилини тинч йолда һәл қилишқа чақирди.

Соң чуйү бейҗиңдики чиңхуа университетида бу сөзләрни қилған болуп, у сөзидә йәнә, " тәйвәнниң мустәқиллиқи бир туюқ йол" дәп билдүрди. У йәнә наһайити һаяҗан билән " бу әсир, хитайларниң әсири. Һазир пүтүн дуня хитайдәк бир чоң әҗдиһаниң көтүрүлүшини күтүватиду. Буниңға икки қирғақ хәлқи тәйярму?" дәп товлиди.

Соң чуйү, икки қирғақниң иқтисадий һәмкарлиқни күчәйтишини тәкитләп, бу йәрни уруш мәйдани әмәс, бәлки дуня завути вә сода базириға айландуруш керәкликини билдүрди.

Соң чуйү пәйшәнбә күни хитай президенти ху җинтав билән көрүшмәкчи. Шундақла у, хитайдики сәпири давамида бейҗиң, шиән, нәнҗиң, шаңхәй вә чаңшада зиярәттә болиду. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт