Song chuyü béyjingda teywenning musteqilliqini ochuq ret qildi

Béyjingda ziyarette boliwatqan teywendiki öktichi partiye xelqperwerler partiyisining rehbiri song chu yü charshenbe küni teywenning musteqilliqini ret qilip, teybéy bilen béyjingni mesilini tinch yolda hel qilishqa chaqirdi.

Song chuyü béyjingdiki chingxu'a uniwérsitétida bu sözlerni qilghan bolup, u sözide yene, " teywenning musteqilliqi bir tuyuq yol" dep bildürdi. U yene nahayiti hayajan bilen " bu esir, xitaylarning esiri. Hazir pütün dunya xitaydek bir chong ejdihaning kötürülüshini kütüwatidu. Buninggha ikki qirghaq xelqi teyyarmu?" dep towlidi.

Song chuyü, ikki qirghaqning iqtisadiy hemkarliqni kücheytishini tekitlep, bu yerni urush meydani emes, belki dunya zawuti we soda bazirigha aylandurush kéreklikini bildürdi.

Song chuyü peyshenbe küni xitay prézidénti xu jintaw bilen körüshmekchi. Shundaqla u, xitaydiki sepiri dawamida béyjing, shi'en, nenjing, shangxey we changshada ziyarette bolidu. (Peride)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar