Xitay hökümiti, teywenni musteqilliq mesiliside yene agahlandurdi


2005-07-31
Share

Xitay hökümiti yekshenbe küni, xitay azadliq armiyisi qurulghanliqining 78 yilliqini xatirilesh murasimida, tinchliqni qoghdaydighanliqini tekitlesh bilen birge, teywenni musteqilliq élan qilmasliq toghrisida yene agahlandurdi.

Xitay mudapi'e ministiri saw gwangchün xitay armiyisi qurulghanliqining 78 yilliqi munasiwiti bilen béyjingda ötküzülgen murasimda "xitay herbiy istratégiyisi tinchliqni meqset qilghan bir istratégiyidin ibaret " dégen.

Lékin, amérika mudapi'e ministirliqi mushu ayning bashlirida xitayning herbiy pa'aliyetliri toghrisida doklat élan qilip, xitayning armiyisini nahayiti tiz tereqqi qilduriwatqanliqini, eger xitayning armiyisini küchlendürüsh pa'aliyetliri mushundaq dawam qilsa, bu teywen boghuzidiki herbiy tengpungluqni buzup, rayondiki bashqa döletler üchün chong bir tehdid bolup otturigha chiqishi mumkinliqini bildürgen idi.

Yene bu ayning bashlirida bir xitay géniralining, eger amérika teywen bilen xitay otturisidiki bir herbiy toqunushqa arilashsa, xitay amérikigha qarshi yadro qoral ishlitidu dep agahlandurushi, amérikida xitayning herbiy meqsetliri toghrisida jiddiy munaziriler ning bashlinishigha sewep bolghan. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet