Хитай, ню - йорк вақти гезити мухбири җав йәнни әйибләштин ваз кәчти


2006.03.17
Share on WhatsApp
Share on WhatsApp

Хитай дөләт рәиси ху җинтавниң америкида елип баридиған зияритигә аз қалған һалқилиқ бир чағда, хитайниң бейҗиң шәһиридики бир сот мәһкимиси җүмә күни "ню - йорк вақти гезити" мухбири җав йәнни әйибләштин ваз кәчти.

Хитай әдлийә даирилири җав йәнни 2004 - йили 9 - айда дөләт мәхпийәтликини ашкарилиған, дегән җинайәт билән әйибләп қолға алған. Җав йән вәқәси кишилик һоқуқи тәшкилатлири вә ахбарат әркинлики органлириниң қаттиқ тәнқидигә учриған иди.

Бирләшмә ахбарат агентлиқиниң хәвәр қилишичә, җав йәнниң адвукати мо шавпиң " тәптиш даирилири җав йән дилосини әйибләштин ваз кәчти вә бу бейҗиң шәһәрлик 2 - оттура хәлқ сот мәһкимиси тәрипидин қобул қилинди" дәп тәкитлигән. Мо шавпиңниң әскәртишичә, җав йән пат йеқинда қоюп берилиши мумкин. Мо шавпиң тәптиш даирилириниң немә үчүн җав йәнни әйибләштин ваз кәчкәнликини, қаидә бойичә әгәр гунаһкар җинайитигә иқрар болмиса яки пакит гуманлиқ болса, тәптиш хадимлири әйибнамисини қалтуривалиду, дәп чүшәндүргән.

Бирақ, вәзийәттин хәвәрдар әрбаплар җав йәнни әйибләштин ваз кечиш хитай дөләт рәиси ху җинтавниң келәр айда америкини зиярәт қилидиғанлиқи билән мунасивәтлик, дәп қаримақта.

Ху җинтав америкида җуңго демократийә вә хитай кишилик һоқуқи мәсилисигә дуч келиши мумкин. Хитай даирилири һазирғичә җав йән дилосиниң тәпсили әһваллирини ашкарилап бақмиди. Әмма көзәткүчиләрниң әскәртишичә, җав йәнниң дилоси хитайниң сабиқ дөләт рәиси җаң земинниң айрупиланиға мәхпий тиңшиғуч орунлаштуруш сәтчилики "ню - йорк вақти гезити" дә елан қилиниш вәқәси билән мунасивәтлик икән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.