Xitay, nyu - york waqti géziti muxbiri jaw yenni eyibleshtin waz kechti


2006.03.17
Share on WhatsApp
Share on WhatsApp

Xitay dölet re'isi xu jintawning amérikida élip baridighan ziyaritige az qalghan halqiliq bir chaghda, xitayning béyjing shehiridiki bir sot mehkimisi jüme küni "nyu - york waqti géziti" muxbiri jaw yenni eyibleshtin waz kechti.

Xitay edliye da'iriliri jaw yenni 2004 - yili 9 - ayda dölet mexpiyetlikini ashkarilighan, dégen jinayet bilen eyiblep qolgha alghan. Jaw yen weqesi kishilik hoquqi teshkilatliri we axbarat erkinliki organlirining qattiq tenqidige uchrighan idi.

Birleshme axbarat agéntliqining xewer qilishiche, jaw yenning adwukati mo shawping " teptish da'iriliri jaw yen dilosini eyibleshtin waz kechti we bu béyjing sheherlik 2 - ottura xelq sot mehkimisi teripidin qobul qilindi" dep tekitligen. Mo shawpingning eskertishiche, jaw yen pat yéqinda qoyup bérilishi mumkin. Mo shawping teptish da'irilirining néme üchün jaw yenni eyibleshtin waz kechkenlikini, qa'ide boyiche eger gunahkar jinayitige iqrar bolmisa yaki pakit gumanliq bolsa, teptish xadimliri eyibnamisini qalturiwalidu, dep chüshendürgen.

Biraq, weziyettin xewerdar erbaplar jaw yenni eyibleshtin waz kéchish xitay dölet re'isi xu jintawning kéler ayda amérikini ziyaret qilidighanliqi bilen munasiwetlik, dep qarimaqta.

Xu jintaw amérikida junggo démokratiye we xitay kishilik hoquqi mesilisige duch kélishi mumkin. Xitay da'iriliri hazirghiche jaw yen dilosining tepsili ehwallirini ashkarilap baqmidi. Emma közetküchilerning eskertishiche, jaw yenning dilosi xitayning sabiq dölet re'isi jang zéminning ayrupilanigha mexpiy tingshighuch orunlashturush setchiliki "nyu - york waqti géziti" de élan qilinish weqesi bilen munasiwetlik iken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.