Xitay sin'gapor "boghaz waqti géziti" ning muxbirini 5 yilliq qamaq jazasigha höküm qildi


2006-09-01
Share

Béyjing sheherlik 2 - ottura xelq sot mehkimisi sin'gapor " boghaz waqti géziti" ning muxbiri chén chingni 5 yilliq qamaq jazasigha höküm qilip, 30 ming yü'enlik xitay puligha toghra kélidighan mal - mülkini musare qilghandin kéyin, u hökümge qayil bolmay yuqiri derijilik sot mehkimisige erz sunidighanliqini élan qildi.

Chéng chong, sin'gapor" boghaz waqti géziti" ning xongkongda turushluq muxbiri bolup, xitay sot mehkimisi uni seyshenbe küni teywen'ge jasusluq qilghan, dep qamaq jazasigha höküm qilghan. Chéng chongning ayali hökümni adil bolmidi, dep eyiplimekte. U, jüme küni xongkong metbu'atlirigha " sotchi uninggha qarshi pakitlarnila közde tutup, uni aqlaydighan pakitlargha pütünley nezer salmidi, " deydu.

Chéng chong, 2005 - yili 4 - ayda xitay dölet bixeterlik da'iriliri teripidin qolgha élin'ghan. Shinxu'a axbarat agéntliqi, chéng chongning teywen'ge jasusluq qilidighan bir fondi jem'iyetke " dölet mexpiyetliki we axbarat" yetküzgenliki üchün jinayetchi, dep qaralghanliqini xewer qildi. Lékin teywen chong quruqluq komitétining mu'awin re'isi deywid xu'ang, chéng chongning teywen'ge jasusluq qilghanliqini ret qilghan. U, xitay terepning bayanlirini "bigunah muxbirgha qaritilghan rezillerche eyiblesh, " dédi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet