Xu jintaw urup öltürülgen muxbir délosini tézdin bir terep qilish buyruqi chüshürdi


2007-01-25
Share

Firansiye agéntliqining charshenbe küni xewer qilishiche, xitay rehbiri xu jintaw buyruq chüshürüp, shenshi datongda urup öltürülgen muxbirning délosini tézdin tekshürüp bir terep qilishni telep qilghan.

1 ‏- Ayning 10 - küni "xitay soda géziti" ning shenshi muxbirlar ponkitidiki len chéngjang qatarliqlar xuyyen nahiyiside qanunsiz échilghan kömür kanni ziyaret qiliwatqanda, kömür kan igisi we uning gumashtiliri teripidin qattiq urulghan. Len chéngjang qutquzush ünüm bermey ölgen.

Nöwette xitay saqchi da'iriliri, 7 neper jinayet gumandarni qolgha alghan, qéchip ketken 3 neper jinayet gumandarlirining izdek - soriqi jididiy élip bérilmaqta.

Xewerlerge qarighanda, 2006 ‏- yili 9 ‏- aydin buyan, béyjing, gu'angdong, shenshi qatarliq jaylarda arqa ‏- arqidin muxbirlarni urup zexmilendürüsh weqesi yüz bergen, munasiwetlik xadimlarning tekitlishiche, xitay hökümiti nöwette pütün jem'iyet miqyasida axbaratchiliq xizmitige köngül bölüsh, axbaratchilarning qanunluq hoquqini qoghdash tedbirlirini kücheytishni teshebbus qilmaqta iken.

Emma közetküchiler buni, xitayning 2008 ‏- yili olimpik tenterbiye murasimi ötküzülüsh harpisida élip bériwatqan köz boyamchiliq herikiti diyishmekte. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet