Enshün gézitining muxbiri saqchilar teripidin urup öltürüldi

Xongkongdiki kishilik hoquq we démokratiye uchur merkizining xewer qilishiche, weqe 18 iyul küni yüz bergen bolup, enshün gézitining muxbiri shyaw goping yerlik saqchi idra'isining bashliqi pen déféng teripidin xelqning köz aldida urup öltürülgen.

Xewerde éytilishiche, shyaw goping enshün gézitide maqale élan qilip, saqchilarni tenqid qilghan iken.Ismini ashkarilashni xalimighan bir gézit tehririning bildürüshiche, hökümet 39 yashliq shyawning ölümi heqqide tekshürüsh élip barmaqta.

Xitayda hökümetning xataliqliri weya chiriklikini pash qilghan we bu heqte xewer yaki maqale yazghan muxbirlarni urush, solash we xizmitidin qoghlandi qilish adettiki ishqa aylinip qalghan bolup, 13‏- iyul küni yene güyju ölkiside li yünlung isimlik bir muxbir déhqanlar we ishtin chéqirilghan ishchilarning ehwali heqqide maqale élan qilghanliqi üchün ikki yil qamaq jazasigha höküm qilindi.

Chégrasiz muxbirlar teshkilatining bildürüshiche, xitay dunyada metbu'at erkinlikini eng köp boghuwatqan döletlerning béri hésablinidiken.