Мухбирлар байрими күнидә чәтәл мухбирлириниң зиярәт қилиши чәкләнди


2007.11.08
Share on WhatsApp
Share on WhatsApp

"Җоңгу мухбирлар байрими" мунасивити билән өткүзүлгән мухбирларни күтивелиш йиғинида сөз қилған хитай ташқи ишлар баянатчиси лю җәнчав " : дөлитимиздә мухбирларниң зиярәт қилиш әркинлики толуқ капаләткә игә қилинди " дәп билдүргән. Бирақ чәтәл мухбирлири униңға, бир қанчә саәт илгири өйлиридин мәҗбурий көчүрүветилгән аһалиларни зиярәт қилишта қейинчилиққа учриғанлиқини билдүрүп, өзлириниң сақчилар тәрипидин қоғливетилгәнликини ейтқан . Бу арида йәнә, мухбирларни қоғдаш комитети, җоңгу һөкүмәт даирилириниң түрмә ичидики мухбирларни дәрһал қоюп беришни тәшәббүс қилди.

Испанийилик бир аял мухбир , мухбирларни күтивелиш йиғинида лю җәнчавға пәйшәнбә күни чүштин бурун өзиниң бейҗиң чәнмин районида өйлиридин мәҗбурий көчүрүветилгән кишиләрни зиярәт қиливатқанда сақчиларниң қаттиқ тосқунлуқиға учриғанлиқини, сақчиларниң униңдин паспорт вә материялларни көрситишини тәләп қилғанлиқини ейтип, сақчиларниң қанун бойичә иш көрмигәнликини шуниңдәк бейҗиңниң олимпик җәрянидики зиярәт қилиш қаидилиригә әмәл қилмаслиқтәк қилмишлири үстидин нарази болғанлиқини билдүргән.

Мәркизи нюйорктики мухбирларни қоғдаш комитети игилигән мәлуматлардин қариғанда, хитайда мухбирлар байрими күнигә қәдәр 29 мухбир йәнила түрмә ичигә қамалған болуп, хитай хәлқара олимпик комитетиға йәни ахбарат әркинликигә әмәл қилиш һәққидә бәргән вәдисигә әмәл қилмиған. Мухбирларни қоғдаш комитетиниң мәсули, хитай даирилиридин, мухбирлар байрими мунасивити билән түрмә ичидики мухбирларни дәрһал қоюп беришни тәләп қилди. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.