Muxbirlar bayrimi künide chet'el muxbirlirining ziyaret qilishi cheklendi


2007.11.08
Share on WhatsApp
Share on WhatsApp

"Jonggu muxbirlar bayrimi" munasiwiti bilen ötküzülgen muxbirlarni kütiwélish yighinida söz qilghan xitay tashqi ishlar bayanatchisi lyu jenchaw " : dölitimizde muxbirlarning ziyaret qilish erkinliki toluq kapaletke ige qilindi " dep bildürgen. Biraq chet'el muxbirliri uninggha, bir qanche sa'et ilgiri öyliridin mejburiy köchürüwétilgen ahalilarni ziyaret qilishta qéyinchiliqqa uchrighanliqini bildürüp, özlirining saqchilar teripidin qoghliwétilgenlikini éytqan . Bu arida yene, muxbirlarni qoghdash komitéti, jonggu hökümet da'irilirining türme ichidiki muxbirlarni derhal qoyup bérishni teshebbüs qildi.

Ispaniyilik bir ayal muxbir , muxbirlarni kütiwélish yighinida lyu jenchawgha peyshenbe küni chüshtin burun özining béyjing chenmin rayonida öyliridin mejburiy köchürüwétilgen kishilerni ziyaret qiliwatqanda saqchilarning qattiq tosqunluqigha uchrighanliqini, saqchilarning uningdin pasport we matériyallarni körsitishini telep qilghanliqini éytip, saqchilarning qanun boyiche ish körmigenlikini shuningdek béyjingning olimpik jeryanidiki ziyaret qilish qa'idilirige emel qilmasliqtek qilmishliri üstidin narazi bolghanliqini bildürgen.

Merkizi nyuyorktiki muxbirlarni qoghdash komitéti igiligen melumatlardin qarighanda, xitayda muxbirlar bayrimi künige qeder 29 muxbir yenila türme ichige qamalghan bolup, xitay xelq'ara olimpik komitétigha yeni axbarat erkinlikige emel qilish heqqide bergen wedisige emel qilmighan. Muxbirlarni qoghdash komitétining mes'uli, xitay da'iriliridin, muxbirlar bayrimi munasiwiti bilen türme ichidiki muxbirlarni derhal qoyup bérishni telep qildi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.