Xelq'ara krizis teshkilati: xitay weziyiti ötken yili nacharlashti


2006.01.03

Xelq'ara krizis közitish teshkilati düshenbe küni élan qilghan doklatida, 2005 - yili xitay memliket ichi weziyitining körünerlik derijide nacharlashqanliqini élan qildi.

Merkizi bélgiye paytexti bryusséldiki xelq'ara krizis közitish teshkilatining eskertishiche, 2005 - yili dunya boyiche toqunush ichidiki 11 dölet we rayonning weziyiti ilgiriligen halda nacharlashqan bolup, xitay, weziyiti nacharlashqan döletler qatarigha kirgüzülgen.

Doklatta xitay saqchilirining 20 din artuq déhqan namayishchigha oq chiqirip öltürgenlikini tilgha alghan. Bu kishiler dölet qurulushining éhtiyaji sewebidin yer - zémini tartiwélin'ghan yéza puqraliri bolup, ular shu sewebtin namayish qilghan dihqanlar iken.

Ötken yili xitayda dihqanlarning naraziliq heriketliri eng köp yüz bergen bir yil boldi. Bu xil naraziliq heriketliri gu'angdungning teyshi yézisida qoralliq saqchilar bilen yerlik puqralar otturisidiki toqunushni keltürüp chiqarghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.