Алтә аял җуңнәнхәйниң әтрапида черикликкә қарши намайиш өткүзди
2004.08.19
Хитайдики алтә аял пәйшәнбә күни хитай рәһбәрлириниң хизмәтгаһи болған җуңнәнхәйниң йенидики бир аилиликләр қорусиниң өгзисигә чиқип, хитай әмәлдарлириниң черикликигә қарши намайиш өткүзди.
Америка бирләшмә ахбарат агентлиқиниң хәвиригә қариғанда, бу алтә аял өгзигә хитай әмәлдарлириниң чирикликини паш қилидиған пилакатларни есип, лиявниң өлкилик сот , тәптиш вә сақчи хадимлириниң парихор, ялғанчилиқини әйиблигән. Хәвәрдин мәлум болишичә, улар намайишни башлап йәттә саәттин кийин,сақчилар уларни елип кәткән.
Хитайда әмәлдарларниң парихорлуқ вә чирикликиниң еғирлишиши билән хәлқ наразилиқи барғансери күчәймәктә.
Хитай һөкүмәт даирилириниң пәйшәнбә күни ашкарлишичә, өткәнки 20 йил җәрянида, хитайниң төт миңдәк парихор әмәлдарлири җәми 600 милйон доллардин артуқ пулни елип чәтәлгә қачқан. (Арзу)