Бейҗиңда хитай деһқанлар намайиш өткүзди


2004-08-20
Share

Тәхминән 500 дәк хитай деһқан җүмә күни бейҗиңниң шүнйи районида намайиш өткүзүп, бейҗиңдики мәлум бир йәр мүлүк тәрәққият ширкити игиливалған терилғу йәрләргә қошумчә төләм пули төләп беришни тәләп қилди.

Ройтерс ахбарат агентлиқиниң хәвәр қилишичә, намайишчилар бейҗиң хәлқара мәктипигә өтидиған йолларни тосап шоар товлиған, қизил лозункиларни асқан. Хәвәрләргә қариғанда намайишчилар буниңдин илгири хитай қурулуш даирилириниң алдида намайиш қилип, күч көрсәткән

. Ройтерс ахбарат агентлиқиниң намйишчилардин нәқил кәлтүрүшичә, бейҗиңдики тянҗу дәп аталған бир йәр мүлүк тәрәққият ширкити деһқанларниң нәччә йүз мо йерини қанунсиз игиливелип, һәшәмәтлик аилиләр олтурақ райони бәрпа қилған. Хитайдики чоң ширкәтләрниң деһқанлар вә яки шәһәр аһалисиниң олтурақ өйлирини, терилғу етизлирини өзини халиған баһада еливелип , бу җайларға чоң көләмдики қурулушларни елип бериш хитайда көп учрайдиған әһвал.

Бир қанчә айниң алдида уйғур аптоном райониниң атуш шәһиридә турушлуқ деһқанларниң йәр мүлкини бейҗиңдики җоңкен дәп аталған бир ширкәт мәҗбурий сетивалған. Сетишни рәт қилғанлар үрүмчигичә дава қилип барған болсиму ақмиғаниди. Уйғур аптоном райониниң рәиси исмайил тиливалди җоңкен ширкитиниң баш мудирини қобул қилип, униң қәшқәр вә атушларда йәр- земин, өй-мүлүк тәрәққият содиси билән шуғуллинишға йәрлик даириләрниң маслишидиғанлиқини вәдә қилған. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт