Чоңчиңдики намайишта кишиләр сақчи вә һөкүмәт бинасиға һуҗум қилди


2004-10-20
Share

Хитайниң чоңчиң шәһиридә дүшәнбә күни 20 миңдәк шәһәр аһалиси һөкүмәт бинаси алдида намайиш өткүзгән. Шундақла бу тезла топилаңға өзгирип, кишиләр сақчи машинилирини өрүп от қойған һәм һөкүмәт бинасидики әслиһәләрни булап кәткән.

Ройтерс ахбарат агентлиқиниң хәвиригә қариғанда, дүшәнбә күн вәнҗу райониниң мивә базиридики бир киши мал йәткүзидиған бала билән урушуп қалғанда, өзиниң һөкүмәт даиририлири билән мунасивити барлиқини попоза қилип, униң җенини пул билән сетивалалайдиғанлиқини тәһдит қилған һәм уни урған.

Буниңдин ғәзәпләнгән хәлқ аммиси дәрһал һөкүмәт бинаси алдида қаршилиқ билдүрүп намайиш өткүзгән, шундақла хәлқ аммиси наһайити тез көпийип, сақчиларниң машинилирини көйдүрүш вә һөкүмәт бинасидики компютирларни оғурлашқа охшаш қалаймиқанчилиқ келип чиққан.

Мәзкүр агентлиқниң бир шәһәр аһалисидин игилишичә, сақчилар топилаңчиларға қаритип, яш аққузуш газлирини қоюп бәргән. Гәрчә сақчи даирилири топилаңчиларниң қалаймиқанчилиқ пәйда қилғанлиқини етирап қилсиму, әмма нимә сәвәптин бу вәқә йүз бәргәнлики һәққидә җавап беришни рәт қилған.

Хитайда иқитсадий тәрәққиятниң тәкшисзлики сәвәбидин келип чиққан бай вә кәмбәғәлләр пәрқиниң күнсайин чоңийишиға әгишип, өз-ара зиддийәтләрму барғансери күчәймәктә. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт