Xitay saqchiliri chongchingdiki topilang munasiwiti bilen 40 ademni qolgha aldi
2004.10.21
Xitay saqchi da'iriliri peyshenbe küni, bu heptining béshida chongchingda yüz bergen chong topilang munasiwiti bilen az dégende 40 ademni qolgha alghanliqini bildürdi.Qolgha élin'ghanlarning ichide topilangning kélip chiqishigha seweb bolghan kishimu bar iken.
Fransiye axbarat agéntliqining xewirige qarighanda, düshenbe küni özini yalghandin hökümetning yuqiri derijilik emeldari dep körsetken bir kishi méwe bazirida bir baligha zomigerlik qilip, uningdin pul ündürüshke urun'ghan we balini urghan.
Buni körgen xelq ammisi derhal hökümet binasi aldida qarshiliq bildürüp, namayish ötküzgen, shundaqla xelq ammisi téz köpiyip, namayish topilanggha aylinip ketken. Kishiler saqchi mashinilirini örüp ot qoyghan hem hökümet binasidiki eslihelerni bulap ketken. Jem'i 20 mingdek sheher ahalisi buninggha qatnashqan.
Xewerge qarighanda, chongching saqchi da'iriliri gerche weziyetning nöwette kontrol astigha élin'ghanliqini bildürgen bolsimu, biraq neq meydandiki bir qisim kishiler namayishning tar da'iride dawam qiliwatqanliqini körsetken. Xewerde iytilishiche, bu weqe xelq bilen kompartiye emeldarliri otturisida chongqur ziddiyet barliqini eks ettüridiken. (Arzu)
Munasiwetlik maqalilar
- Chongchingdiki namayishta kishiler saqchi we hökümet binasigha hujum qildi
- Bir xitay ishchisi ishqa orunlashturush idarisigha naraziliq bildürüp özige ot qoyup berdi
- Shenshide 10 mingdin köp ishchi ish tashlidi
- Xitay hökümiti mejburiy köchürüsh siyasitige qarshi chiqqan ikki kishini türmige tashlidi
- Xitay saqchilri namayish ötküzmekchi bolghanlarning rehbirini qolgha aldi
- Fujiyen déhqanliri saqchilarning zorawanliqigha qarshiliq bildürdi
- Béyjingda xitay déhqanlar namayish ötküzdi
- Alte ayal jungnenxeyning etrapida chériklikke qarshi namayish ötküzdi