Әнхүйдә он миңдин артуқ пинсийигә чиққан ишчи намайиш өткүзди


2004-10-25
Share

Хитайниң әнхүй өлкиси баңбу шәһиридә он миңдин артуқ пинсийигә чиққан ишчи өткән һәптиниң ахири кочиларға чиқип, мал баһасиниң өрлишигә вә пинсийә тәминатиниң азлиқиға қарши намайиш өткүзгән.

Америка бирләшмә ахбарат агентлиқиниң хәвиригә қариғанда,намайиш бир нәччә күн давамлашқандин кийин, баңбу шәһәрлик һөкүмәт даирилири җидди йиғин ечип, пинсийигә чиққан ишчиларниң турмуш пулини өстүрүшниң имканийитини музакирә қилған. Әмма һөкүмәт даирилири бу һәқтә намайишчиларға һичқандақ вәдә бәрмигән.

Нурғун намайишчилар өзлириниң пинсийә һәққиниң азлиқини, давалиниш расхоти рәт қилиниватқанлиқини шикайәт қилған. Хитайдики әмгәкчиләр һоқоқини күзитиш тәшкилатиниң мәлуматлириға қариғанда, пинсийигә чиққан ишчилар өткүзгән бу намайишта өткән җүмә күнидин башлап шәһәрдики муһим қатнаш түгүнлири тосулған. Намайиш дүшәнбә күнигичә давамлашқан. Баңбу шәһәрлик һөкүмәт нәччә йүзләп сақчини әвәткән болсиму, әмма намайишни тосалмиған. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт