بېيجىڭدا يۈزدىن ئارتۇق ياللانما ئىشچى ساقچىلار تەرىپىدىن قاتتىق دۇمبالانغان
2004.10.26
بېيجىڭ شەھىرىدە يېقىندا يۈزدىن ئارتۇق ياللانما ئىشچى، ئۆزلىرىگە ئېلىشقا تېگىشلىك بولغان ئىش ھەققىنى تەلەپ قىلغانلىقىتىن ساقچىلار تەرىپىدىن قاتتىق دۇمبالانغان بولۇپ، ئۇلارنىڭ 24 ئى ھازىر دوختۇرخانىدا قۇتقۇزۇش ئۈستىدە .
خوڭكوڭدا چىقىدىغان مىڭباۋ گېزىتى خىتاي ھۆكۈمەت مەتبۇئاتلىرىنىڭ سۆزىنى نەقىل كەلتۈرۈپ، ۋەقەلىك جەريانىنى مۇنداق بايان قىلغان: خېبېيدىن كەلگەن ياللانما ئىشچىلار، بېيجىڭدە فۇلى قۇرۇلۇشىنى تاماملىغاندىن كېيىن، ئۇلارنىڭ ئىش ھەققى بېرىلمىگەن. ئىشچىلار شۇ سەۋەبتىن ئىش تاشلىغان. ئىشچىلار بېيجىڭ سەنخۇئەن يولىدا قۇرۇلۇشقا مەسئۇل بولغان ئىشخانا ئالدىدا تېنچ ئولتۇرۇپ ئىش ھەققىنى تەلەپ قىلغان. نەتىجىدە ساقچىلار ياللانما ئىشچىلارنى قوغلاپ يۈرۈپ توك كالتەك بىلەن ئۇرۇپ قانغا بويىۋەتكەن.
قۇرۇلۇش مەسئۇللىرى، ھۆكۈمەتكە “ياللانما ئىشچىلار شىركەتنى ئىككى كۈن قامال قىلىپ، شىركەتنىڭ خىزمىتىگە ئېغىر دەرىجىدە زىيان يەتكۈزدى” دەپ ئەرز سۇنغان.
يېقىندىن بۇيان، خىتاي ئۆلكىلىرىدە ئىش ھەققىنى ۋاقتىدا ئالالماسلىق سەۋەبىدىن پارتلىغان نارازلىق ھەرىكەتلىرى ناھايىتى كۆپ يۈز بەرمەكتە. (ئەقىدە)
مۇناسىۋەتلىك ماقالىلار
- ئەنخۈيدە ئون مىڭدىن ئارتۇق پىنسىيىگە چىققان ئىشچى نامايىش ئۆتكۈزدى
- خىتاي ساقچىلىرى چوڭچىڭدىكى توپىلاڭ مۇناسىۋىتى بىلەن 40 ئادەمنى قولغا ئالدى
- چوڭچىڭدىكى نامايىشتا كىشىلەر ساقچى ۋە ھۆكۈمەت بىناسىغا ھۇجۇم قىلدى
- خىتاي كومپارتىيىسى چىرىكلىككە قارشى قارار ماقۇللىدى
- بىر خىتاي ئىشچىسى ئىشقا ئورۇنلاشتۇرۇش ئىدارىسىغا نارازىلىق بىلدۈرۈپ ئۆزىگە ئوت قويۇپ بەردى
- شەنشىدە 10 مىڭدىن كۆپ ئىشچى ئىش تاشلىدى
- بېيجىڭ ھۆكۈمىتى خۇڭكوڭدىكى پارلامېنت سايلىمىغا ئارىلاشقانلىقى ئۈچۈن تەنقىدلەندى
- بېيجىڭ، ئولىمپىكنىڭ ساھىبخانىلىقىغا لايىق ئەمەس دەپ يەنە بىر قېتىم ئەيىبلەندى
- خىتاي ھۆكۈمىتى مەجبۇرىي كۆچۈرۈش سىياسىتىگە قارشى چىققان ئىككى كىشىنى تۈرمىگە تاشلىدى
- خىتاي ساقچىلرى نامايىش ئۆتكۈزمەكچى بولغانلارنىڭ رەھبىرىنى قولغا ئالدى