Béyjingda yüzdin artuq yallanma ishchi saqchilar teripidin qattiq dumbalan'ghan


2004.10.26
Share on WhatsApp
Share on WhatsApp

Béyjing shehiride yéqinda yüzdin artuq yallanma ishchi, özlirige élishqa tégishlik bolghan ish heqqini telep qilghanliqitin saqchilar teripidin qattiq dumbalan'ghan bolup, ularning 24 i hazir doxturxanida qutquzush üstide .

Xongkongda chiqidighan mingbaw géziti xitay hökümet metbu'atlirining sözini neqil keltürüp, weqelik jeryanini mundaq bayan qilghan: xébéydin kelgen yallanma ishchilar, béyjingde fuli qurulushini tamamlighandin kéyin, ularning ish heqqi bérilmigen. Ishchilar shu sewebtin ish tashlighan. Ishchilar béyjing senxu'en yolida qurulushqa mes'ul bolghan ishxana aldida ténch olturup ish heqqini telep qilghan. Netijide saqchilar yallanma ishchilarni qoghlap yürüp tok kaltek bilen urup qan'gha boyiwetken.

Qurulush mes'ulliri, hökümetke “yallanma ishchilar shirketni ikki kün qamal qilip, shirketning xizmitige éghir derijide ziyan yetküzdi” dep erz sun'ghan.

Yéqindin buyan, xitay ölkiliride ish heqqini waqtida alalmasliq sewebidin partlighan narazliq heriketliri nahayiti köp yüz bermekte. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.