Teywendiki herqaysi partiyining qollighuchiliri namayish ötküzdi


2004-12-05
Share

Teywende kéler shenbe ötküzülidighan parlamént saylimining harpisida, teywendiki her qaysi partiye guruhlarning nechche on minglighan qollighuchiliri her qaysi jaylarda yighilish ötküzdi.

Roytirs agéntliqining xewirige qarighanda, teybéy shehiride, hakimiyettiki teywen démokratiye tereqqiyat partiyisini qollaydighan, teywenning musteqilliqini yaqlaydighan " teywen ittipaqliq oyushmisi" partiyisining qollighuchiliri, öz namzatlirini qollaydighan taxtilarni kötürüp namayish ötküzüp, teywenning musteqilliqini telep qilidighan sho'arlarni towlighan.

Bu arida, öktichi gomindang partiyisining nechche on minglighan qollighuchilirimu kochilarda namayish ötküzüp, xitay chong quruqluqi bilen bolghan munasiwitini yaxshilashni telep qilghan.

Xewerge qarighanda, prézidént chin shüybiyen özini qollaydighan namzatlarning 225 orunluq teywen parlaméntida yérimdin köp orunni igilishi bilen teywen asasiy qanunigha özgertish kirgüzüshke yol ichishni ümid qilmaqta.

Nöwette gomindang we chinmingdang goruhidikiler teywen parlaméntida intayin az sanliqni igileydu. Béyjing hökümiti asasiy qanun'gha özgertish kirgüzüshni resmiy musteqilliq jakalashning bir bahanisi dep eyiblimekte, shundaqla teywen musteqilliq élan qilsila, urush partilaydighanliqini agahlandurmaqta. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet