Xitaydiki bixeterlik xadimliri naraziliq heriketlirige muwapiq mu'amile qilishqa chaqirildi
2004.12.27
Ötken hepte axirida xitayning gu'ang dong ölkisining donggu'en nahiyiside ishchilar bilen nahiyidiki bixeterlik xadimliri otturisida yüz bergen toqunushlardin kéyin, xitay jama'et xewpsizlik ministiri jo xongkang bixeterlik xadimlirini, topilang we naraziliq heriketlirige muwapiq mu'amile qilishqa chaqirdi.
Yéqindin biri xitayda saqchilar bilen ishchi we déhqanlar otturisida jiddi toqunushlar yüz bermekte. Ötken hepte axirida gu'ang dongning doggu'en nahiyiside yüz bergen toqunushlarning kölimi chong bolup, xong kongda chiqidighan bir gézitining yekshenbe künidiki xewirige qarighanda, yerlik saqchi da'irlirining nachar mu'amilisige qarshi naraziliq namayishi ötküzgen 50000 etrapida ishchi amanliq saqlash qisimliri bilen toqunushqan. Toqunush jeryanida namayishchilar saqchilargha tash we kések étip, töt saqchi mashinisini pachaqlap tashlighan.
Roytirs agéntliqining xewer qilishiche, xitay jama'et xewpsizlik ministiri jama'et xewpsizlik organliridin toqunushlarda we keng kölemlik naraziliq heriketlirining alidini élishta ishlitidighan usullirini yaxshilishini telep qildi.
Mushu ayning özidila xitayning shenshi ölkiside türmidiki kesipdashlirini qutquzushqa urun'ghan ikki yüz ishchi bilen saqchilar otturisida yüz bergen toqunushta ikki saqchi öldi. Gu'angshida bolsa, 10 mingdin artuq namayishchi bilen amanliq saqlash qisimliri otturisida toqunushlar yüz berdi.
Öktebir éyida bolsa, xitay hökümiti tungganlar bilen xenzular otturisida yüz bergen toqunushlardin kéyin, xénen ölkisning bir qismida herbiy halet élan qilghan. Tungganlar bilen xenzular arisidiki jidelde az dégende yette kishi ölgen we 42 kishi yarilan'ghan idi. (Qanat)
Munasiwetlik maqalilar
- Gu'angdungda 50 ming kishi saqchilar bilen toqunushti
- Sichü'ende ishchilar namayish ötküzdi
- Xitayda nechche ming ishchi namayish ötküzdi
- Xitayda déhqanlarning naraziliq heriketliri köplep yüz bermekte
- Xitay xenyü'endiki su ambiri majrasi munasiwiti bilen 10 ming kishilik herbiy orunlashturush élip bardi
- Xitay hökümiti sichü'ende su ambiri yasashqa qarshi chiqquchilarni qattiq jazalaydighanliqini bildürdi
- Sichü'endiki naraziliq namayishi jeryanida bir namayishchi urup öltürüldi
- Xitay sot da'iriliri ish tashlashqa qatnashqan besh ishchini türmige tashlidi
- Béyjingda yüzdin artuq yallanma ishchi saqchilar teripidin qattiq dumbalan'ghan
- Enxüyde on mingdin artuq pinsiyige chiqqan ishchi namayish ötküzdi
- Xitay saqchiliri chongchingdiki topilang munasiwiti bilen 40 ademni qolgha aldi
- Chongchingdiki namayishta kishiler saqchi we hökümet binasigha hujum qildi