Хейлоңҗяңдики такси шопурлири намайиш қилди


2005.03.09

Йеқинда хитайниң хейлоңҗяң өлкисиниң мудәнҗяң шәһиридики такси шопурлири һөкүмәтниң қалаймиқан пул йиғишиға қарши намайиш өткүзгән. Хитай сақчилири һазирғичә буниңға четилған 100 дин ошуқ кишини тутқун қилған.

Чәтәлдә чиқидиған "бошүн" ториниң хәвиригә қариғанда, намайишқа чиққан такси шопурлири кочида наразилиқ билдүрүштин сирт йәнә, намайишқа қатнашмиған такси шопурлириниң машинилирини чеқип бузған.

Шундақла такси шопурлири йәнә, һәр қайси шәһәрләрдики такси шопурлири билән бирлишип намайиш өткүзүшниму пиланлиған. Шундақла хитай сақчилири чаршәнбә күни харбин шәһиригә әрз қилишқа маңған дәнҗяң шәһиридики такси шопурлирини тосап қалған һәмдә намайишни оюштуруғучилар билән қалаймиқанчилиқ пәйда қилғучиларни қолға алған.

Намайишқа қатнашқан бир такси шопуриниң әркин асия радиомизға билдүришичә, намайишчилар билән шәһәрлик һөкүмәт техи бу һәқтә кеңишип болалмиған. Мудәнҗяң шәһиридә 3000 такси шопури бар болуп, уларниң һәммиси дегүдәк, қатнаш идарисиниң қалаймиқан һәқ елиши вә җаза бериш һәрикәтлири сәвәбидин көп қетим җазаланған икән. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.