Xéylongjyangdiki taksi shopurliri namayish qildi


2005.03.09

Yéqinda xitayning xéylongjyang ölkisining mudenjyang shehiridiki taksi shopurliri hökümetning qalaymiqan pul yighishigha qarshi namayish ötküzgen. Xitay saqchiliri hazirghiche buninggha chétilghan 100 din oshuq kishini tutqun qilghan.

Chet'elde chiqidighan "boshün" torining xewirige qarighanda, namayishqa chiqqan taksi shopurliri kochida naraziliq bildürüshtin sirt yene, namayishqa qatnashmighan taksi shopurlirining mashinilirini chéqip buzghan.

Shundaqla taksi shopurliri yene, her qaysi sheherlerdiki taksi shopurliri bilen birliship namayish ötküzüshnimu pilanlighan. Shundaqla xitay saqchiliri charshenbe küni xarbin shehirige erz qilishqa mangghan denjyang shehiridiki taksi shopurlirini tosap qalghan hemde namayishni oyushturughuchilar bilen qalaymiqanchiliq peyda qilghuchilarni qolgha alghan.

Namayishqa qatnashqan bir taksi shopurining erkin asiya radi'omizgha bildürishiche, namayishchilar bilen sheherlik hökümet téxi bu heqte kéngiship bolalmighan. Mudenjyang shehiride 3000 taksi shopuri bar bolup, ularning hemmisi dégüdek, qatnash idarisining qalaymiqan heq élishi we jaza bérish heriketliri sewebidin köp qétim jazalan'ghan iken. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.