Gu'angju we shénjén sheherliride yapon'gha qarshi namayish yüz berdi


2005.04.10
Share on WhatsApp
Share on WhatsApp

Shenbe küni, 6 mingdin artuq kishi béyjingning xeyden rayonida yapon'gha qarshi heriket qozghash üchün yighilip, arqidin yaponiyining xitayda turushluq bash elchixanisi aldida namayish ötküzgen .

Yaponiyining xitayda turushluq bash elchixanisining bayanatchisining bildürüshiche, oxshashla yekshenbe künimu shénjén shehiride 10 minggha yéqin kishi namayish élip bérip, yaponiye meblegh salghan soda shirkitini qorshiwalghan.

En'giliye b b s radi'o téléwiziye shirkitining xewiride körsitilishiche, namayishchilar "yaponiyining tarix derslik kitabida 2 - dunya urushi dewridiki urush jinayiti, bolupmu xitayda élip bérilghan tajawuzchiliq heriketliri tilgha élinmidi" dégenni bahane qilip, mezkur namayishni élip barghan iken.

Shu küni yene, gu'angju shehiride 3 minggha yéqin kishi yaponiyining gu'angjuda turushluq konsulxanisi aldida sho'arlar towlap, saqchilarning kontrol siziqidin bésip ötüshke tirishqan.

Namayishchilar, yapon résturanlirigha tuxum étip, ishik - derizilirini chaqqandin sirt, yollarda toxtitip qoyulghan yapon aptomobillirini urup chaqqan we hetta yapon bayraqlirini köydürwetken.

Bu arida, yaponiyining tashqi ishlar ministiri, xitayning yaponiyide turushluq bash elchisi bilen körüshüp, xitayda yüz bergen chong kölemlik namayishtin narazi bolghanliqini bildürdi we xitay da'irilirining derhal resmiy yosunda yaponiye tereptin kechürüm sorap, kélip chiqqan ziyanlarni tölep bérishni telep qildi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.