Пинсийигә чиққан азадлиқ армийә офитсерлар бейҗиңда намайиш қилди


2005-04-13
Share

Хитайниң 2 миңға йеқин пинсийигә чиққан азадлиқ армийә офитсери бейҗиңда намайиш өткүзүп, һөкүмәттин өзлириниң пинсийә тәминатини яхшилап беришни тәләп қилған. Лекин сақчилар уларни сақчи машинилириға селип елип кәткән шундақла уларниң һазирқи әһвали техи намәлум икән.

Франсийә ахбарат агентлиқиниң хәвиригә қариғанда, бу пинсийигә чиққан офитсерлар һәрбий формилирини кийгән һалда дүшәнбә күни әтигән, бейҗиңдики алий дәриҗилик һөкүмәт әмәлдарлири олтуридиған җоңнәнхәйгә йеқин җайлашқан хитай азадлиқ армийисиниң баш сиясий шитаби бинаси алдида тинч олтуруп наразилиқ билдүргән.

Нәқ мәйдандики бирсиниң мәзкур агентлиқиға билдүрүшичә, намайишқа чиққан һәрбийләр 45 яштин 60 яш әтрапиғичә болуп, һәтта уларниң арисида полк вә девизийә дәриҗилик пинсийигә чиққан һәрбий әмәлдарларму бар икән.

Хитай даирилири узун өтмәйла 3 миңдин артуқ кишилик сақчи әтритини һәрикәткә селип, пинсийигә чиққан һәрбийләрни қатму-қат қоршап турған шундақла әтраптики җайларни җиддий һаләткә өткүзгән.

Бу вәқәни кәлгүчиләр, сақчиларниң ахири уларни сақчи машинилириға селип елип кәткәнликини, лекин уларниң һазир нәдилики техи намәлум икәнликини билдүргән. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт