Pinsiyige chiqqan azadliq armiye ofitsérlar béyjingda namayish qildi


2005.04.13
Share on WhatsApp
Share on WhatsApp

Xitayning 2 minggha yéqin pinsiyige chiqqan azadliq armiye ofitséri béyjingda namayish ötküzüp, hökümettin özlirining pinsiye teminatini yaxshilap bérishni telep qilghan. Lékin saqchilar ularni saqchi mashinilirigha sélip élip ketken shundaqla ularning hazirqi ehwali téxi namelum iken.

Fransiye axbarat agéntliqining xewirige qarighanda, bu pinsiyige chiqqan ofitsérlar herbiy formilirini kiygen halda düshenbe küni etigen, béyjingdiki aliy derijilik hökümet emeldarliri olturidighan jongnenxeyge yéqin jaylashqan xitay azadliq armiyisining bash siyasiy shitabi binasi aldida tinch olturup naraziliq bildürgen.

Neq meydandiki birsining mezkur agéntliqigha bildürüshiche, namayishqa chiqqan herbiyler 45 yashtin 60 yash etrapighiche bolup, hetta ularning arisida polk we déwiziye derijilik pinsiyige chiqqan herbiy emeldarlarmu bar iken.

Xitay da'iriliri uzun ötmeyla 3 mingdin artuq kishilik saqchi etritini heriketke sélip, pinsiyige chiqqan herbiylerni qatmu-qat qorshap turghan shundaqla etraptiki jaylarni jiddiy haletke ötküzgen.

Bu weqeni kelgüchiler, saqchilarning axiri ularni saqchi mashinilirigha sélip élip ketkenlikini, lékin ularning hazir nediliki téxi namelum ikenlikini bildürgen. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.