Xitaydiki yaponiyige qarshi namayishlar köpligen sheherlerge taraldi


2005.04.17
Share on WhatsApp
Share on WhatsApp

Xitayning shangxey shehiride shenbe küni yaponiyige qarshi keng - kölemlik namayish yüz bergendin kiyin, yaponiyige qarshi naraziliq namayishlirining yéngi bir dolqun otliri yekshenbe küni shinjin, shinyang, nenning , xongkong qatarliq sheherlerge tutashti.

Fransiye axbarat agéntliqining xewirige qarighanda, texminen 10 mingdek kishi yekshenbe küni shinjin shehirining jenubidiki yaponiye soda sariyining sirtida namayish ötküzgen. Nechche minglighan namayishchilar yene lyawning ölkisining merkizi bolghan shinyang shehiride, yaponiye konsolxanisining aldigha kélip naraziliq pa'aliyetlerni élip barghan. Bir qisim kishiler xitay saqchilirining tosushigha qarimastin, konsulxanigha qaritip tash atqan. Nenning shehirining merkizidiki meydandimu nechche yüzligen aliy mektep oqughuchiliri yaponiyige qarshi pa'aliyetlerni élip barghan.

Xongkongda, nechche minglighan kishiler sheher merkizide yaponiyining urush mezgilide ötküzgen qilmishlirigha qarshiliq bildürdi. Emma xitaydikige oxshimaydighan yéri, xongkongdiki namayish tinchliq bilen élip bérilghan.

Shenbe küni, shangxeydiki namayishta, nechche on minglighan kishiler yaponiye bash konsulxana binasining aldigha yighilip, zorawanliq weqelerni sadir qilghan idi. Bezi namayishchilar konsulxana binasigha tash we tuxumlarni étip, derizilerni chéqiwetken. Yene beziliri kochilardiki yaponiyide ishlen'gen mashinilarni urup - chaqqan. Namayishchilar yene yaponiyiche on nechche risturanni weyran qilghan. Nechche minglighan topilangni basturush saqchiliri gerche namayishchilarni yaponiye konsolxanisidin yiraqlashturghan bolsimu, biraq namayishni tosimighan.

Fransiye axbarat agéntliqining xewiridin ashkarilinishiche, xitayning shinxu'a agéntliqi in'giliz tilidiki xewerliride shangxeydiki namayishni xewer qilghandin sirt, xitayning bashqa metbu'atliri we téléwiziye orunliri bunamayish heqqide melumat bermigen. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.