Ghezeplen'gen déhqanlar muhitqa ziyanliq bir zawutqa hujum qilghan

Yéqinda xitayning shangxey shehirige qarashliq shinchang kentidiki nechche yüz déhqan bu yerdiki muhitqa ziyanliq dep qarighan bir dora ishlepchiqirish zawutigha hujum qilip, zawutni taqiwétishni telep qilghan.

Amérika birleshme agéntliqining xewirige qarighanda, bu namayish 4 -iyul küni bashlan'ghan bolup, shinchang we uning etraptiki bir qanche yézilardin kelgen déhqanlar qoshulup, nechche yüz kishi bu zawutqa hujum qilghan hetta zawutning tosaq tamlirini örüp tashlap, amanliq qoghdash binasigha bösüp kirgen.

Mezkur zawuttiki shü famililik bir xadimning bildürüshiche, bu zawut 4 - iyul künidin bashlap hazirghiche ishlepchiqirishni toxtatqan shundaqla déhqanlar gerche zawut eslihelirige hujum qilmighan bolsimu, emma ishlepchiqirish toxtap qalghanliqi üchün zawut melum derijide iqtisadiy ziyan'gha uchrighan.

Nöwette xitayda déhqanlar we namrat rayonlardiki kishilerning naraziliqi barghanséri küchiywatqan bolup, xitayning chet rayonliridiki 800 milyon'gha yéqin kishi xitayning iqtisadiy güllinishidin behrimen bolalmaydiken. Uning üstige kembegheller bilen baylar otturisidiki perq we chiriklik mesililiri, xelqler bilen hökümet otturisida türlük majralarning kélip chiqishigha seweb bolmaqta. (Peride)