Хитай даирилири әскәрләрниң намайишқа чиқишини чәклиди


2005-08-16
Share

Хитайда хәлқ намайишлириниң көпийишигә әгишип, хитай һәрбий даирилири йеқинда йеңи бәлгилимә чиқирип, хитай әскәрлириниң һәр хил шәкилдики намайишларға қатнишишиға рухсәт қилинмайдиғанлиқини билдүрди.

"Азатлиқ армийә күндилик гезити" ниң хәвиридә мәлум болушичә, йеңи бәлгилимә бойичә, һәрбий форма кийгән һәр қандақ аял яки әр әскәрниң, намайиш уюштуруши вә яки әрз сунуп һазирланған һәр қандақ шәкилдики йиғилишларға қатнишиши чәкләнгән.

Гезиттә йәнә, партийиниң армийигә болған рәһбәрликигә бойсунмай, дөләтниң яки армийиниң бихәтәрликигә тәсир йәткүзидиғанлики паалийәтләргә қатнишип қалған һәр қандақ бир һәрбий хадимниң, партийидин дәрһал қоғлап чиқирилидиғанлиқи агаһландурған.

Бу йил 4 - айда пенсийигә чиққан 2000 дин ошуқ хитай азадлиқ армийә әскири, пенсийә пули вә башқа капаләт тәминатлириниң төвәнликидин нарази болуп, бейҗиңда йиғилип намайиш өткүзгән иди. Хитай демократик күзәткүчилириниң қаришичә, хитай коммунист даирилириниң бу бәлгимиси йәнә, хитайниң уйғур елидики ишләпчиқириш қурулуш армийисиниң ички қисмидики өзлиригә болған наразилиқларни йоқитишқиму қаритилиши мумкин икән. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт