Xitay da'iriliri eskerlerning namayishqa chiqishini cheklidi


2005.08.16

Xitayda xelq namayishlirining köpiyishige egiship, xitay herbiy da'iriliri yéqinda yéngi belgilime chiqirip, xitay eskerlirining her xil shekildiki namayishlargha qatnishishigha ruxset qilinmaydighanliqini bildürdi.

"Azatliq armiye kündilik géziti" ning xewiride melum bolushiche, yéngi belgilime boyiche, herbiy forma kiygen her qandaq ayal yaki er eskerning, namayish uyushturushi we yaki erz sunup hazirlan'ghan her qandaq shekildiki yighilishlargha qatnishishi cheklen'gen.

Gézitte yene, partiyining armiyige bolghan rehberlikige boysunmay, döletning yaki armiyining bixeterlikige tesir yetküzidighanliki pa'aliyetlerge qatniship qalghan her qandaq bir herbiy xadimning, partiyidin derhal qoghlap chiqirilidighanliqi agahlandurghan.

Bu yil 4 - ayda pénsiyige chiqqan 2000 din oshuq xitay azadliq armiye eskiri, pénsiye puli we bashqa kapalet teminatlirining töwenlikidin narazi bolup, béyjingda yighilip namayish ötküzgen idi. Xitay démokratik küzetküchilirining qarishiche, xitay kommunist da'irilirining bu belgimisi yene, xitayning Uyghur élidiki ishlepchiqirish qurulush armiyisining ichki qismidiki özlirige bolghan naraziliqlarni yoqitishqimu qaritilishi mumkin iken. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.