Xongkongda zéng chingxonggha qarshi namayishlar ötküzüldi

Xitayning mu'awin dölet re'isi zéng chingxongning 9 -séntebirdin 11 -séntebirgiche bolghan xongkongdiki ziyariti dawamida, bu yerde köp qétim qarshiliq namayishliri élip bérildi.

En'gliye b b s radi'o-téléwiziye shirkitining xewirige qarighanda, namayishlardin sirt yene, xongkong hökümitining zéng chingxong üchün orunlashturghan mexsus kütiwélish ziyapitide, xongkong qanun turghuzush orginidiki lyang gu'anglyé ornidin turup, "4 -iyon weqesige qayta baha bérilsun, siyaset xelqqe qayturulsun, bir partiye hökümranliq qilish tüzümige xatime bérilsun" dep shu'ar towlighan. Axirida ziyapet zalidiki amanliq qoghdighuchi saqchilar uni zaldin élip chiqip ketken.

Shundaqla ziyapet zalining sirtida 100 din oshuq falun'gongchilar namayish qilip, xitay hökümitining falun'gongchilargha qaratqan basturushini toxtitishini telep qilghan.

Xongkong saqchi da'iriliri zéngning bu yerdiki ziyariti dawamida amanliq ishlirini alahide ching tutup, u turushluq méhmanxana we u pa'aliyet qilidighan jaylarning etrapidiki kochilargha nurghun saqchilarni orunlashturghan. (Peride)