Хоңкоңда хитай һөкөмитигә наразилиқ билдүрүш намайиши өткүзүлди

Хоңкоңдики өктичи паалийәтчиләр, хитай һөкөмити тәрипидин тәйвәнгә җасуслуқ қилди дәоп әйиблинип, қолға елинған страйт темиз гезитиниң хитайдики мухбири чең чоңниң қоюп берилишини тәләп қилип , хоңкоңдики хитай һөкүмәт ишханисиниң алдида намайиш өткүзди.

яшисун мәтбуат әркинлики дәп шуарлар товлиған , хоңкоң парламинтиниң әзаиси люң кивукхуң қатарлиқ намайишчилар, чиң чоңниң сәккиз айдин бери хитай түрмисидә йитиватқанлиқини, лекин һазирғичә сотланмиғанлиқини, аилиси вә аялиниң униң билән көрүшүшигә рухсәт берилмигәнликини билдүрүп, бундақ бир әһвални қобул қилиш мумкин әмәс дейишти. Хәвәрләргә қариғанда, намайишчилар хитай һөкүмитидин кишилик һоқуққа һөрмәт қилип, чиң чоңни дәрһал қоюп беришини тәләп қилған.

55 ‏яштики чиң чоң април ийида хитай һөкүмити тәрипидин тутулған болуп, 5‏-ағуст күни рәсми қолған елинған.

Шинхуа агентлиқиниң хәвәр қилишичә, чиң 2000‏-йили билән 2005‏-йили арисида тәйвән ахбарат идарисиға хизмәт қилиш үчүн хоңкоңда вә хитай ичидә бир қатарлиқ җасуслуқ торлирини қуруп чиққан. (Қанат)