Хитайда қозғалған күч улап ашлиқ елан қилиш һәрикити 20 ‏- күнигә қәдәм қойди

Бейҗиңдики кишилик һоқуқ һимайичиси, адвукат гав җиму тәрипидин қозғитилған күч улап ашлиқ елан қилиш һәрикити бүгүн 20 ‏- күнигә қәдәм қойди.

Истансимизниң бу һәқтә игилигән әң йеңи учурилириға қариғанда, бу һәрикәт, пүтүн йәр шари бойичә аз дегәндә 77 тәшкилатниң һәмдә нәччә миңлиған шәхисләрниң қоллишиға еришкән.

Бейҗиңда, мәзкур күч улап ашлиқ елан қилиш һәрикитигә қатнашқан кишиләрниң бир қисими қамалған, йәнә бир қисими болса назарәт астиға елинған болуп,адвукат гав җимуниң ишханисиниң әтрапи сақчилар билән толуп кәткән вә пуқрачә кийингән сақчилар гав җиму билән көрүшмәкчи болғанларға тосқунлуқ қилған.

Икки күн бурун, адвукат гав пуқрачә кийингән сақчилар билән җидәлләшкән, гавниң ейтишичә, у түрлүк йоллар арқилиқ ташқи дунядин кәлгән пикир вә тәвисийиләрни тапшурвалған, бәзи мүтәхәссисләр униң, бу һәрикәтни дәрһал тохтитишини тәләп қилған, әмма көплигән кишиләр йәнила бу паалийәткә қатнишидиғанлиқини, әзалар санини көпәйтишкә һәссә қошудиғанлиқини билдүргән.

Гав җимуниң тәкитлишичә, у хитайниң һәр қайси җайлиридин бу һәрикәткә әза болуш тоғрулуқ илтимасларни тапшурувалған, буниң ичидә болупму йүннән билән хейлоңҗяңдин кәлгән илтимаслар көп санлиқни игиләйдикән.

2 ‏- Айниң 4 ‏- күни, гав җимуниң тәшәббүси билән, хитайдики 370 кә йеқин киши, һөкүмәтниң кишилик һоқуқ қоғдуғучилириға зиянкәшлик қилиш қилмишлири үстидин наразилиқ билдүрүп, күч улап ашлиқ елан қилиш һәрикитини қозғиған иди. (Әқидә)