Tyenjinning lyüshenxi yézisida yüzligen déhqan namayish ötküzdi


2006.03.16
Share on WhatsApp
Share on WhatsApp

16‏- Mart küni, tyenjinning lyüshenxi yézisida yer-zéminliri hökümet teripidin tartiwélin'ghan yüzligen kishi namayish ötküzüp, hökümet da'iriliridin yerlirini qayturup bérishni telep qildi.

Fransiye agéntliqining xewer qilishiche, xitay bash ministiri wén jyabawning ötken hepte xitay déhqanlirining hoquqi toghrisidiki sözliridin ilhamlan'ghan namayishchilar, yerlik hökümet emeldarliri kélip biz bilen söhbetleshmigiche, naraziliq herikitimizni dawamlashturimiz, dégen.

Xitay bash ministiri wén jyabaw 14 ‏- mart küni xitay téléwéziyiside bergen bayanatida, déhqanlarning yer-zéminlirini qanunsiz tartiwalghan yerlik emeldarlarni qattiq tenqid qilip, biz déhqanlarning démokratik hoquqlirigha, bolupmu, ularning toxtam bilen alghan yerlirini öz xahishi boyiche, musteqil ishlitish hoquqigha hörmetlik qilishmiz kérek, dégen idi.

Xitayda, déhqanlarning yer-zéminlirini chirikleshken yerlik hökümet emeldarliri nahayiti az tölem puli bérip, sétiwélip andin bu yerge öy we karxana sélip köp menpe'et qolgha keltürmekte. Yerlik hökümet emeldarlirining bu herikitige qarshi naraziliq bildürgen déhqanlar asasen saqchilar teripidin qattiq basturulmaqta.

Emma, déhqanlarning naraziliq herikiti künséri köpeymekte. Xitay jama'et xewpsizlik ministirliqining bildürüshiche, ötken yili xitayda 87000 jama'et tertipini buzidighan weqe yüz bergen. Bu weqelerning beziliri xitay saqchiliri teripidin qanliq basturulghan bolup, xitayning jenubiy rayonida élip bérilghan bir naraziliq herikiti jeryanida 30 namayishchi saqchilar teripidin öltürülgen. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.