Җеңҗуда оқуғучиларниң наразилиқ қаршилиқ һәрикити йүз бәрди
2006.06.21
Җеңҗу университетиға қарашлиқ шеңда иниститотиниң 10 миңға йеқин оқуғучилири деплом мәсилиси билән наразилиқ билдүрүп, мәктәп ичидә чоң қалаймиқанчилиқ кәлтүрүп чиқарғандин кейин, чаршәнбә күни сақчи даирилири вә мәктәп бирликтә оқуғучиларни тинчлинишқа дәвәт қилди.
Франсийә агентлиқиниң хәвиригә қариғанда, оқуғучиларниң наразилиқи өткән һәптә ахири башланған болуп, җеңҗу универстети тармиқидики шеңда сода-иқтисат башқуруш иниститотиниң 5000 ға йеқин оқуғучиси, уларға тарқитилған депломниң җеңҗу университети тәрипидин берилмигәнликикә нарази болуп, синип вә ятақ биналиридики нәрсиләрни уруп чаққан. Һәтта бәзилири кочиларғичә чиқип намайиш қилған.
Кейин буниңға йәнә нурғун оқуғучилар қошулуп, мәктәп әслиһәлирини бузуп чеқиштин сирт йәнә, кочилардики йол чирақлири, телефон боткилири, дукан һәтта банкиларғичә һуҗум қилған. Бу вәқә сәвәблик нәччә йүз сақчи оқуғучиларни кочидин қайтуруп келип, сөһбәт өткүзүшкә тиришқан болсиму, лекин сөһбәт йәнила нәтиҗисиз ахирлашқан. Сақчилар йәнә оқуғучиларниң мәктәп сиртиға чиқишини чәклигән, лекин оқуғучилар һазирму мәктәп ичидә давамлиқ наразилиқ намайишлирини елип бармақта икән.
Җеңҗу университетиға қарашлиқ шеңда сода-иқтисат башқуруш иниститоти дәсләп оқуғучиларни қобул қилғанда, уларға җеңҗу университетиниң депломини беридиғанлиқини вәдә қилған. Әмма ахирида улар вәдисигә әмәл қилмай, бу йил оқуш пүттүргән оқуғучиларға мәзкур иниститот намида деплом тарқатқан. (Пәридә)
Мунасивәтлик мақалилар
- Ху җинтавға қарши намайиш уйғурлар билән тәйвәнликләргә қалди
- Фуҗйәндә 200 гә йеқин киши санаәт булғинишиға қарши наразилиқ билдүрди
- Ху җинтавниң зиярити һарписида америкидики хитайға қарши тәшкилатлар наразилиқ паалийәтлири өткүзүшкә тәйярлиқ көрмәктә
- Тйәнҗинниң лйүшәнхи йезисида йүзлигән деһқан намайиш өткүзди
- Хитайда қозғалған күч улап ашлиқ елан қилиш һәрикити 20 - күнигә қәдәм қойди