Jéngjuda oqughuchilarning naraziliq qarshiliq herikiti yüz berdi


2006.06.21
Share on WhatsApp
Share on WhatsApp

Jéngju uniwérsitétigha qarashliq shéngda inistitotining 10 minggha yéqin oqughuchiliri déplom mesilisi bilen naraziliq bildürüp, mektep ichide chong qalaymiqanchiliq keltürüp chiqarghandin kéyin, charshenbe küni saqchi da'iriliri we mektep birlikte oqughuchilarni tinchlinishqa dewet qildi.

Fransiye agéntliqining xewirige qarighanda, oqughuchilarning naraziliqi ötken hepte axiri bashlan'ghan bolup, jéngju uniwérstéti tarmiqidiki shéngda soda-iqtisat bashqurush inistitotining 5000 gha yéqin oqughuchisi, ulargha tarqitilghan déplomning jéngju uniwérsitéti teripidin bérilmigenlikike narazi bolup, sinip we yataq binaliridiki nersilerni urup chaqqan. Hetta beziliri kochilarghiche chiqip namayish qilghan.

Kéyin buninggha yene nurghun oqughuchilar qoshulup, mektep eslihelirini buzup chéqishtin sirt yene, kochilardiki yol chiraqliri, téléfon botkiliri, dukan hetta bankilarghiche hujum qilghan. Bu weqe seweblik nechche yüz saqchi oqughuchilarni kochidin qayturup kélip, söhbet ötküzüshke tirishqan bolsimu, lékin söhbet yenila netijisiz axirlashqan. Saqchilar yene oqughuchilarning mektep sirtigha chiqishini chekligen, lékin oqughuchilar hazirmu mektep ichide dawamliq naraziliq namayishlirini élip barmaqta iken.

Jéngju uniwérsitétigha qarashliq shéngda soda-iqtisat bashqurush inistitoti deslep oqughuchilarni qobul qilghanda, ulargha jéngju uniwérsitétining déplomini béridighanliqini wede qilghan. Emma axirida ular wedisige emel qilmay, bu yil oqush püttürgen oqughuchilargha mezkur inistitot namida déplom tarqatqan. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.