Toluq ma'ash alalmighan yüzligen yallanma ishchi naraziliq bildürdi


2006.06.22
Share on WhatsApp
Share on WhatsApp

Xitay metbu'atining ashkarilishiche, sirttin béyjinggha kelgen yallanma ishchilar, béyjing sheherlik hökümetning yer asti poyiz yoli yasash qurulushigha qatniship, bir yildin kéyin, élishqa tégishlik ma'ashini alalmay, sot mehkimisige erz sun'ghan.

Junggo gézitining 22 ‏- iyun küni bergen xewirige qarighanda, béyjing sheherlik shichéng rayoni xelq sot mehkimisi mushu hepte mezkür qurulushni élip barghan qurulush shirkitige buyruq chüshürüp, shendungdin kelgen 258 neper yallanma ishchining bir yilliq ma'ashini toluqlap bérishini qarar qilghan.

Béyjing sheherlik hökümet qarmighidiki béyjing qurulush gurohi hessi'idarliq shirkiti, ötken yili 6 ‏- ayda shendungdin ishchi yallap, béyjing yer asti poyizi 5 ‏- liniyisini yasash qurulushigha salghan, biraq qurulush shirkiti ishchilargha aran künige 10 yüen pul bergen. Ishchilar buninggha naraziliq bildürüp sot mehkimisge erz sun'ghandin kéyin, sot mehkimisi, jawabkarliqni qurulush shirkitige artip, üch kün ichide 258 neper ishchigha 900 ming yüen tölep bérishini we barliq mes'ulyetni öz üstige élishini békitken.

2008 ‏- Yili béyjingda olimpik tenterbiye yighini ötküzüsh munasiwiti bilen, xitay hökümiti 400 milyon amérika dolliri serp qilip, béyjing shehiride yéngi yer asti poyiz liniyisi hemde ayrupilan istansisi qurushni pilan qilghan iken.

Xitayda iqtisadning tereqqi qilishi bilen teng, ishchilarni ézish qilmishlirimu kündin - kün'ge köpeymekte, emma buninggha egiship naraziliq heriketlirimu ewj almaqta. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet