Shi'ende nechche minglighan shopur naraziliq namayishi élip bardi
2006.06.29
Fransiye agéntliqining peyshenbe küni bergen xewirige qarighanda, 26 - iyun küni shi'ende 10 mingdin artuq üch chaqliq mashina shopurliri kochigha chiqip naraziliq namayishi qilip , hökümettin dawamliq tijaret qilishqa yol qoyushni telep qilghan.
Hökümet, shi'ende üch chaqliq harwa bilen tirikchilik qiliwatqan 30 ming kishini, sheherning qatnishigha tosqunluq yetküzdi dégen seweb bilen ishtin toxtatqan idi.
Fransiye agéntliqi namayishchilarning birini ziyaret qilip, saqchilarning 5 neper ishchilar wekilini qolgha alghanliqini, buning bilen ishchilarning qarshiliq bildürüsh iradisining téximu küchiyip ketkenlikini bildürdi.
Üch chaqliq mashina shopurliri adette yoluchi toshush we yük toshush arqiliq jan baqidighan bolup , hökümet 7 - ayning 5 - küni ishchilarning bu ishni qet'iy toxtitishini telep qilghan. Shopurlarning bildürüshiche, ularning arisida ilgiri ishidin toxtitilghanlar bolup, mezkür qarar bilen ular qayta ishsizliqqa duch kélidiken.
Ishchilar kochida , oghriliq qilmiduq, bulangchiliq qilmiduq, urush - talash qilmiduq biz qandaq qilip qanun'gha xilapliq qilghan hésablinimiz, dégendek shu'arlarni towlighan. Namayishchilar yene": gerche hökümet da'iriliri kochigha nurghun saqchini ewetken bolsimu , biraq saqchilar bilen otturimizda héchqandaq toqunush we ziddiyet yüz bermidi" dep bildürdi. Namayishchilarning éytishiche, sheherlik hökümet buyruq chüshürüp, bu weqeni metbu'atlarda xewer qilishni chekligen, shunga héchqandaq gézit - zhornalda bu heqte xewer élan qilinmighan. (Eqide)
Munasiwetlik maqalilar
- Xongkong démokratchiliri jya chinglinning ziyariti jeryanida namayish élip bardi
- Toluq ma'ash alalmighan yüzligen yallanma ishchi naraziliq bildürdi
- Jéngjuda oqughuchilarning naraziliq qarshiliq herikiti yüz berdi
- Xelq'ara muxbirlarni qoghdash komitéti xitayning muqimsizliq weziyiti heqqide mexsus doklat élan qildi
- Xu jintawgha qarshi namayish Uyghurlar bilen teywenliklerge qaldi