1‏-Ийол күни хоңкоңда чоң намайиш болди


2006.07.02
Share on WhatsApp
Share on WhatsApp

Хоңкоңниң хитайға қайтурулғанлиқиға 9 йил болған 1‏-ийол күни, хоңкоңдики аммиви кишилик һоқуқ сепи намайиш өткүзүп, һөкүмәттин техиму көп демократийә вә омумий сайлам тәләп қилди.

Америка бирләшмә агентлиқиниң хәвәр қилишичә, сақчи тәрәп бу намайишқа қатнашқан кишиләр саниниң 28 миң әтрапида икәнликини билдүрсә, намайишни оюштурғучилар бу намайишқа 58 миңға йеқин кишиниң қатнашқанлиқини ейтмақта. Намайишчилар "бизгә һәқиқий демократийә керәк" дегән шуарлар билән " баравәрлик, һәқиқәт, демократийә үчүн көрәш" дегәнгә охшаш лозонкиларни көтүрүп маңған.

2003‏- Йили 1‏-ийолдики намайиш әң чоң көләмдә елип берилған болуп, униңға қатнашқан кишиләрниң сани 500 миңдин ашқан иди. Шундақла у намайиш хоңкоң алаһидә мәмурий район башлиқи доң җйәнхуаниң тәхттин чүшишигә сәвәп болған.

Бу күндә йәнә, хоңкоңдики бейҗиңпәрәс тәшкилатларниң оюштуриши билән 20 миңға йеқин киши кочида йиғилиш өткүзүп, хоңкоңниң хитайға қайтурулғанлиқини тәбрикләшкән. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.