1‏-Iyol küni xongkongda chong namayish boldi

Xongkongning xitaygha qayturulghanliqigha 9 yil bolghan 1‏-iyol küni, xongkongdiki ammiwi kishilik hoquq sépi namayish ötküzüp, hökümettin téximu köp démokratiye we omumiy saylam telep qildi.

Amérika birleshme agéntliqining xewer qilishiche, saqchi terep bu namayishqa qatnashqan kishiler sanining 28 ming etrapida ikenlikini bildürse, namayishni oyushturghuchilar bu namayishqa 58 minggha yéqin kishining qatnashqanliqini éytmaqta. Namayishchilar "bizge heqiqiy démokratiye kérek" dégen shu'arlar bilen " barawerlik, heqiqet, démokratiye üchün köresh" dégen'ge oxshash lozonkilarni kötürüp mangghan.

2003‏- Yili 1‏-iyoldiki namayish eng chong kölemde élip bérilghan bolup, uninggha qatnashqan kishilerning sani 500 mingdin ashqan idi. Shundaqla u namayish xongkong alahide memuriy rayon bashliqi dong jyenxu'aning texttin chüshishige sewep bolghan.

Bu künde yene, xongkongdiki béyjingperes teshkilatlarning oyushturishi bilen 20 minggha yéqin kishi kochida yighilish ötküzüp, xongkongning xitaygha qayturulghanliqini tebrikleshken. (Peride)