Сичуәндики намайиш давамлашмақта


2006.11.13
Share on WhatsApp
Share on WhatsApp

Хитайниң сичүән өлкисиниң гуаңгән шәһиридә, пул тапшуралмиғанлиқи үчүн дохтурларниң давалашни рәт қилиши сәвәбидин бир кичик балиниң өлүши, бу вәқә сәвәбидин ғәзәпләнгән шәһәр аһалиси билән сақчилар оттурисида җиддий тоқунушларниң келип чиқишиға сәвәб болди.

Җүмә күни йүз бәргән тоқунушлардин кейин, сақчилар гуаңгән шәһиридики иккинчи дохтурхана әтрапини қоршивалған болуп, шәһәрдә вәзийәт һелиму җиддий икән.

Хоңкоңдики сиңтав гезитиниң хәвәр қилишичә, җүмә күни химийиви оғут йәвалған бир кичик бала гуаңгән шәһәрлик иккинчи дохтурханиниң җиддий қутқузуш бөлүмигә елип келингән болуп, дохтурхана балини давалаштин бурун, униң ата ‏- анисидин 800 йүән пул төләшини тәләп қилған. Балиниң ата ‏- аниси дохтурхана тәләп қилған пулни вақтида тапшуралмиғанлиқи үчүн дохтурлар балини давалашни рәт қилған вә вақитниң өтүши билән ашқазинидики зәһәрлик химийиви оғут балиниң пүтүн нерва сестимисиға тарқап өлүшигә сәвәб болған.

Бу хәвәр шәһәрдә тарқалғандин кейин, икки миң әтрапида киши дохтурхана алдиға берип намайиш өткүзүп, сақчилар билән тоқунушқан. Франсийә агентлиқиниң бейҗиңдин хәвәр қилишичә, тоқунуш җәрянида нурғунлиған намайишчи яриланған.

Дүшәнбә күни йәрлик һөкүмәт даирилири намайишниң дохтурлар давалашни рәт қилған кичик балиниң өлүми сәвәбидин чиққанлиқи рәт қилди. Уларниң ейтишичә, шәһәрдики ишж ишчилар топилаң чиқириш үчүн бу вәқәдин пайдиланған. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.